coOol...fRiendS

║ Ü wElcoOm╗ °° للتميز والابداع °° ║Ü w£lcoÖom╗
 
الرئيسيةالبوابةس .و .جالتسجيلدخول

شاطر | 
 

 علمتني د نيتي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hafsa
عضو جديد
عضو جديد


عدد المساهمات : 9
تاريخ التسجيل : 16/03/2009
العمر : 21

مُساهمةموضوع: علمتني د نيتي   الإثنين أبريل 06, 2009 8:07 am

علمتني دنيتي مـن طبعهـا حمـل الهمـوم
علمتني كيف اشيل الهـم وانسـى ببتسامـه
وعلمتني لانطعنت وشفت نزفي كيف اقـوم
وضّحت ان انتصار الشخص يبدأ بانهزامـه
وعلمتنى كيف اصلّح غلطتي وقت اللـزوم
دون مايدري عدوي لا ولا يلقـى علامـه
وعلمتني كيف تعرف نظرتي طبع الرخـوم
وعلمتني كل طبـعٍ للرجـل يرفـع مقامـه
وعلمتني ان يامـا بالبشـر قاسـي ظلـوم
وعلمتني عن ظلام الليل كيف اكسب ظلامه
بيّنت إن الصحاري جوها لـو هـو سمـوم
جوها أنظف من البستان اذا حوله(.....!!)
إبتديت بدنيتي والقلـب مـن طيبـه كتـوم
لا يهشّ ولا ينـشّ ولاتعـذّب فـي منامـه
يحسب ان الناس مثله طيّـب النيّـه رحـوم
يحسب ان الدرب هيّن والهدف واضح أمامه
مـادرى إن الليالـي ماتهـاب اللـي يلـوم
مادرى إن الدموع أسرع من انفاس الحمامه
مادرى إن السما لا ماصفت تبقـى غيـوم
مادرى إن العمر لا ماصفى..تدفع غرامـه
يحسب اطباع البشر طيبه ويجهـل بالعلـوم
وان سألته ماعرف تعريف واحد للـلأآمـه
لين مابحر مركبه والبحْر يبغى مـن يعـوم
واللي يغرق بالبحر ماينفعه صوت الندامـه
أختبط في موج بحره مـره يطيـح ويقـوم
واكتشف إن الرياح الهاديه تخفـي عدامـه
وانصدم يوم الطريق اللي توصًّف بالنجـوم
ظلّ عنّه يوم حلًّ الليـل والغيمـه غمامـه
واكتشف إن البصيره بالقلوب وفيهـا (زوم)
والا كيف الشيخ الاعمى يعرف الليل وقيامه
والشجاع اللي تزوّد بالصبر واقوى العـزوم
حتى وان شاف الممات يشوف دربٍ للسلامه
وابتدت صدمات نبضه كل لحظه كل يـوم
وابتدت تظهر حقايق كان يجهلهـا ملامـه
واكتشف ان الحقيقه غير عن ذيـك الحلـوم
واكتشف انه بواقع غير عن واقـع هيامـه
هذي ياقلبي حياتـك لا ولا انتـه بمهـزوم
وهذا هو كوني ولازم تدري عنّه وش نظامه
إبتسم يالله وريّـح واستريـح مـن الهمـوم
علمتني دنيتـي أنسـى همومـي ببتسامـه
وعلمتني لانطعنت وشفت نزفي كيف اقـوم
وضّحت ان انتصار الشخص يبدأ بانهزامـه
الرجوع الى أعلى الصفحة اذهب الى الأسفل
 
علمتني د نيتي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
coOol...fRiendS :: ابداعات ادبية-
انتقل الى: